Zero Balance တၢ်တိာ်ကျဲၤ- Dakota, Hennepin, Ramsey, Minneapolis, ဒီး St Paul

လၢတၢ်ပတံထီၣလၢ [target language] အဂီၢ် ဃုထၢ [language name in English] လၢ တၢ်ပတံပှာ်ယဲၤသန့အဖီခိၣတက့ၢ်ႋ.

ဒ်သိးကပတံထီၣလၢ [target language] အဂီၢ်ဟံးန့ၢ် လံာ်ပတံဖဲအံၤတက့ၢ်ႋ

ခီထံၣသ့ၣတဖၣလၢ အမ့ၢ် ဒၣခိၣထၣႇ ဟၣနံၣပ့ၣ ဒီး ရၣစ့ႇ ဒီး ၀့ၢ်မနံၣပိၣလံး ဒီး စ့ၣဖီလ် သ့ၣတဖၣအပူၤ ဟ့ၣလီၤ ဂ့ၢ်ဂီၢ်အူတၢ်ဒိးလဲတၢ်မၤစၢၤခီဖျိ တၢ်ရဲၣတၢ်ကျဲၤလၢအမ့ၢ် Zero Balance တၢ်ရဲၣတၢ်ကျဲၤန့ၣလီၤႋ

အိးထီၣတၢ်ပတံကတီၢ် - လါယူၤ ၇ သီ ဖဲ ဂီၤ ၉း၀၀ နၣရံၣ

ပံးတၢ်ပတံကတီၢ် - လါယူၤ ၂၀ သီ ဖဲ မုၢ်ထူၣ ၁၁း၅၉ မံနံး (မ့တမ့ၢ် တုၤလၢစ့ပာ်ကီၤလၢာ်တစု)

Zero Balance တၢ်ရဲၣတၢ်ကျဲၤႇ ဟီၣခိၣကစၢ်သ့ၣတဖၣစးထီၣဒီး တီခိၣရိၣ မဲ၀ဲဒၣ တၢ်ပတံထီၣလၢအပှၤဒိးလဲတၢ်ဖိသ့ၣတဖၣအလီၢ်န့ၣလီၤႋ

ခဲကနံၣအံၤ အပူၤအိၣဒီး ဂ့ၢ်ဂီၢ်အူတၢ်ဒိးလဲတၢ်မၤစၢၤတၢ်ရဲၣတၢ်ကျဲၤ အိၣ၀ဲ ခံခါ န့ၣလီၤ- RentHelpMN ဒီး Zero Balance တၢ်ရဲၣတၢ်ကျဲၤန့ၣလီၤႋ

ဖဲကွၢ်တၢ်ဂ့ၢ်လၢလာ်အံၤ ဖဲနချုးနပတံထီၣဒံးဘၣအခါတက့ၢ်-

ယပှၤဒိးလဲတၢ်ဖိသ့ၣတဖၣ ပတံထီၣ၀ဲဒၣလၢ RentHelpMN အအိၣလီၤႋ ပပတံထီၣတၢ်မၤစၢၤခီဖျိလၢ Zero Balance တၢ်ရဲၣတၢ်ကျဲၤန့ၣကသ့ဧါႋ

တၢ်စုလီၢ်ခီၣခိၣ အကစၢ်သ့ၣတဖၣ/မူဒါခိၣသ့ၣတဖၣ ဒီး ပှၤဒိးလဲတၢ်ဖိသ့ၣတဖၣ ဒိးန့ၢ်တၢ်မၤစၢၤသ့ဒၣထဲလၢ တၢ်ရဲၣတၢ်ကျဲၤတခါ အအိၣဧိၤလၢ လါတဘ့ၣဃီအဂီၢ်န့ၣလီၤႋ

ပှၤဒိးလဲတၢ်ဖိသ့ၣတဖၣ မ့ၢ်ဆှၢထီၣတ့ၢ်လံအတၢ်ပတံဆူ RentHelpMN အအိၣန့ၣႇ ၀ံသးစူၤဆဲးမၤသကိးတၢ်ဒီး တၢ်ရဲၣတၢ်ကျဲၤအ၀ဲန့ၣတက့ၢ်ႋ

ယမ့ၢ်၀ဲ တၢ်စုလီၢ်ခီၣခိၣ မူဒါခိၣ/အကစၢ် လၢဆဲးလီၤတ့ၢ် ယစုလီၢ်ခီၣခိၣအမံၤလၢ RentHelpMN အပူၤလီၤႋ ယကဘၣဆဲးလီၤမံၤဒီး ဟ့ၣထီၣတၢ်ဂ့ၢ်တၢ်ကျိၤဆူ Zero Balance တၢ်ရဲၣတၢ်ကျဲၤအအိၣဒံးဧါႋ

နပှၤဒိးလဲတၢ်ဖိအံၤ မ့ၢ်ဆှၢတ့ၢ်အတၢ်ပတံဆူ RentHelpMN အအိၣန့ၣႇ ၀ံသးစူၤ ဆဲးမၤသကိးတၢ်ဒီးတၢ်ရဲၣတၢ်ကျဲအ၀ဲန့ၣတက့ၢ်ႋ

နပှၤဒိးလဲတၢ်ဖိအံၤ မ့ၢ်တဆှၢဒံးတၢ်ပတံဆူ RentHelpMN အအိၣဘၣဒီး နမ့ၢ်အဲၣဒိးစးထီၣ ပတံဆူ Zero Balance တၢ်ရဲၣတၢ်ကျဲၤအအိၣန့ၣႇ အလီၢ်အိၣ၀ဲဒၣလၢ နကဘၣဆဲးလီၤမံၤလၢ Zero Balance တၢ်ရဲၣတၢ်ကျဲၤအပူၤဒီး တီၣထီၣလံာ်လဲာ်လၢလိၣဘၣ သ့ၣတဖၣဖဲန့ၣတက့ၢ်ႋ

လံာ်လဲာ်ဒီး တၢ်ဂ့ၢ်တၢ်ကျိၤသ့ၣတဖၣ ဆှၢခီလိာ်သးလၢ တၢ်ရဲၣတၢ်ကျဲၤသ့ၣတဖၣအဘၢၣစၢၤတသ့ဘၣႋ တိၢ်နီၣလၢ တၢ်စုလီၢ်ခီၣခိၣ အကစၢ်သ့ၣတဖၣ/မူဒါခိၣသ့ၣတဖၣဒီး ပှၤဒိးလဲတၢ်ဖိသ့ၣတဖၣ မၤန့ၢ်တၢ်မၤစၢၤသ့ဒၣထဲလၢ တၢ်ရဲၣတၢ်ကျဲၤတခါအအိၣဧိၤလၢမၤန့ၢ်တၢ်မၤစၢၤလၢ လါတဘ့ၣဃီအဂီၢ်န့ၣလီၤႋ

RentHelpMN ဒီး Zero Balance တၢ်ရဲၣတၢ်ကျဲၤန့ၣ အတၢ်လီၤဆီအိၣဒ်လဲၣႋ

RentHelpMN ဒီး Zero Balance တၢ်ရဲၣတၢ်ကျဲၤခံခါလိာ်အံၤ မ့ၢ်၀ဲဒၣ ဂ့ၢ်ဂီၢ်အူတၢ်ဒိးလဲတၢ်မၤစၢၤတၢ်ရဲၣတၢ်ကျဲၤသ့ၣတဖၣႇ လၢအဘၣတၢ်ဆီၣထွဲ အ၀ဲသ့ၣခီဖျိလၢ ကီၢ်စၢဖှိၣတၢ်ပာ်လီၤစ့တၢ်ရဲၣတၢ်ကျဲၤတခါဃီန့ၣလီၤႋ

RentHelpMN မ့ၢ်၀ဲ ထံကီၢ်ဒီဘ့ၣတၢ်ရဲၣတၢ်ကျဲၤတခါလၢ ပှၤဒိးလဲတၢ်ဖိသ့ၣတဖၣ တီခိၣရိၣမဲ၀ဲ တၢ်ပတံအတၢ်ရဲၣတၢ်ကျဲၤန့ၣလီၤႋ

Zero Balance တၢ်ရဲၣတၢ်ကျဲၤအံၤ မၤစၢၤ၀ဲဒၣလၢ ဒၣခိၣထၣႇ ဟၣနံၣပ့ၣ ဒီး ရၣစ့ ခီထံၣသ့ၣတဖၣအဂီၢ်ဒီး တၢ်စုလီၢ်ခီၣခိၣ အကစၢ်သ့ၣတဖၣဒီး မူဒါခိၣသ့ၣတဖၣ တီခိၣရိၣမဲ၀ဲဒၣ တၢ်ပတံအတၢ်ရဲၣတၢ်ကျဲၤန့ၣလီၤႋ တၢ်ရဲၣတၢ်ကျဲၤတခါဘၣတခါအဂ့ၢ်ဖုၣကိာ်မ့ၢ်၀ဲဒ်အံၤလီၤႋ

RentHelpMN

  • ထံကီၢ်ဒီဘ့ၣ
  • ပှၤဒိးလဲတၢ်ဖိဒီး တၢ်စုလီၢ်ခီၣခိၣ အကစၢ်သ့ၣတဖၣ/မူဒါခိၣသ့ၣတဖၣ စးထီၣ တၢ်ပတံ သ့၀ဲဒၣလီၤ
  • ပှၤဒိးလဲတၢ်ဖိသ့ၣတဖၣ ဘၣပာ်ဖျါထီၣ စ့ဟဲနုာ်အဂ့ၢ်ဒီး ပှၤနီၣဂံၢ်စရီအဂ့ၢ်အကျိၤႇ တၢ်ဒိးလဲအပှ့ၤလၢကဘၣဟ့ၣဒံး၀ဲအဂ့ၢ် ဒီး/မ့တမ့ၢ် မ့ၣအူလဲထံလဲအပှ့ၤတဖၣ ဒီး တၢ်ဟ့ၣလိၢ်အတၢ်အၢၣလီၤအီလီၤဒီး ပာ်ဖျါထီၣ တၢ်ဒိဘၣမၤဟူးလၢ ခိၣဘ့း အဂ့ၢ်န့ၣလီၤႋ
  • တၢ်စုလီၢ်ခီၣခိၣအကစၢ်သ့ၣတဖၣ/မူဒါခိၣသ့ၣတဖၣ ကဘၣပာ်ဖျါထီၣ၀ဲ တၢ်စုလီၢ်ခီၣခိၣဒီး တၢ်အဘူးအလဲအဂ့ၢ်အကျိၤဒီး ပာ်ဂၢၢ်ပာ်ကျၢၤကျိၣစ့ထဲအံၤထဲနုၤလၢ ကဘၣမၤန့ၢ်၀ဲအဂ့ၢ်လီၤႋ
  • စ့ဟဲနုာ်အတၢ်ပာ်ပနီၣ - 80% AMI
  • တၢ်မၤစၢၤ အအါကတၢၢ် - တုၤလၢ ၁၅ လါ
  • တၢ်အဘူးအလဲလၢ အဟ့ၣစၢၤသ့သ့ၣတဖၣအပူၤ ပၣဃုာ်ဒီး တၢ်ဒိးလဲႇ တၢ်ဒိးလဲအပှ့ၤႇ မ့ၣအူလဲထံလဲသ့ၣတဖၣဒီး ပှၤအိၣဆိးတၢ်ဖိဟ့ၣ ထံလဲမ့ၣအူလဲသ့ၣတဖၣ
  • တူၢ်လိာ်တၢ်ပတံသ့ၣတဖၣ လၢ တၢ်အိးထီၣအဆၢကတီၢ်အပူၤလၢ လါဒံၣစ့ဘၢၣ ၂၀၂၁
  • စ့ပာ်ကီၤပာ်ဖှိၣအိၣ၀ဲ $518 ကကွဲၢ်
  • ဒ်သိးကသ့ၣညါအါထီၣအဂီၢ်ႇ ဆဲးကျိး ၂၁၁ တက့ၢ်

Zero Balance တၢ်ရဲၣတၢ်ကျဲၤ

  • ဒၣခိၣထၣႇ ဟၣနံၣပ့ၣ ဒီး ရၣစ့ ခီထံၣသ့ၣတဖၣႇ ဃုာ်ဒီး ၀့ၢ်မနံၣပိၣလံး ဒီး စ့ၣဖီလ်
  • တၢ်စုလီၢ်ခီၣခိၣ အကစၢ်သ့ၣတဖၣ/မူဒါခိၣသ့ၣတဖၣ စးထီၣတၢ်ပတံသ့ၣတဖၣ
  • တၢ်စုလီၢ်ခီၣခိၣ အကစၢ်သ့ၣတဖၣ/မူဒါခိၣသ့ၣတဖၣ ပာ်ဖျါထီၣ လံာ်လိၢ်တၢ်ႇ တၢ်စုလီၢ်ခီၣခိၣအဂ့ၢ်အကျိၤႇ စ့ထဲအံၤထဲနုၤလၢကဘၣမၤန့ၢ်၀ဲဒီး တၢ်အဟ့ၣဘူးအလဲအဂ့ၢ်အကျိၤန့ၣလီၤႋ
  • ပှၤဒိးလဲတၢ်ဖိသ့ၣတဖၣ ပာ်ဖျါထီၣ စ့တၢ်ဟဲနုာ်အဂ့ၢ်ဒီး ပှၤနီၣဂံၢ်စရီအဂ့ၢ်အကျိၤႇ ဒီး ပာ်ဖျါထီၣတၢ်ဒိဘၣမၤဟူးလၢ ခိၣဘ့း အဂ့ၢ်န့ၣလီၤႋ
  • စ့ဟဲနုာ်အတၢ်ပာ်ပနီၣ - 80% AMI
  • တၢ်မၤစၢၤ အအါကတၢၢ် - တုၤလၢ ၁၅ လါ
  • တၢ်အဘူးအလဲလၢ အဟ့ၣစၢၤသ့သ့ၣတဖၣအပူၤ ပၣဃုာ်ဒီး တၢ်ဒိးလဲႇ တၢ်ဒိးလဲအပှ့ၤႇ မ့ၣအူလဲထံလဲသ့ၣတဖၣ ဒ်အပာ်ဖျါတ့ၢ်လၢ လံာ်လိၢ်တၢ်အပူၤအသိးန့ၣလီၤႋ မ့ၣအူလဲထံလဲသ့ၣတဖၣလၢအအိၣဒီး ပှၤဒိးလဲတၢ်ဖိအမံၤသ့ၣတဖၣ တဘၣတၢ်တူၢ်လိာ်လၢ တၢ်ရဲၣတၢ်ကျဲၤအံၤအပူၤဘၣႋ
  • တူၢ်လိာ်တၢ်ပတံသ့ၣတဖၣ စးထီၣလၢ လါယူၤ ၇ သီ တုၤ လါယူၤ ၂၀ႇ ၂၀၂၁ မ့တမ့ၢ် တုၤလၢ စ့ပာ်ကီၤလၢာ်တစုလီၤႋ
  • စ့ပာ်ကီၤခဲလၢာ်ပာ်ဖှိၣအိၣ၀ဲ $34 ကကွဲၢ်ႇ ဒီးထၢနုာ်အါထီၣစ့ပာ်ကီၤဒ်အလီၢ်အိၣအသိးသ့၀ဲဒၣလီၤ
  • ဒ်သိးကသ့ၣညါအါထီၣတၢ်ဂ့ၢ်အဂီၢ်ႇ ဆှၢလီပရၢဆူ zerobalanceproject@housinglink.org

တၢ်အဘူးအလဲမနုၤသ့ၣတဖၣလၢ တူၢ်လိာ်၀ဲဒၣလၢ Zero Balance တၢ်ရဲၣတၢ်ကျဲၤအပူၤလဲၣႋ

တၢ်ဒိးလဲအဘူးအလဲလၢတဟ့ၣဒံးသ့ၣတဖၣ

ကွၢ်ကဒါက့ၤတုၤလၢ လါမၢ်ရှး ၁၃ႇ ၂၀၂၀ န့ၣလီၤႋ

မ့ၣအူလဲထံလဲသ့ၣတဖၣလၢတဟ့ၣဒံးဒီး တၢ်လၢာ်ဘူၣလၢာ်စ့ၤသ့ၣတဖၣလၢ အပၣဃုာ်လၢ လံာ်လိၢ်တၢ်အပူၤ

ကွၢ်ကဒါက့ၤတုၤလၢ လါမၢ်ရှး ၁၃ႇ ၂၀၂၀ န့ၣလီၤႋ

  • ထံ
  • Sewer
  • လီဂံၢ်
  • ဂာ်
  • တၢ်ကမှံၤ/တၢ်ကမှံၤအကျၤ/ထၢဖှိၣက့ၤတၢ်ကမှံၤလၢစူးကါကဒါက့ၤတၢ်အဂီၢ်
  • မ့ၣအူဆၣလၢအအါ (သ့ၣမုၢ်ဒ့ႇ သ့ၣဖျၢၣဖိႇ ပရိၣပ့)

တၢ်လၢာ်ဘူၣလၢာ်စ့ၤလၢတဟ့ၣဒံးအပှ့ၤသ့ၣတဖၣ

သ့တုၤလၢ တၢ်ဒိးလဲအပှ့ၤ ၈% ဒ်အဘၣတၢ်ပျဲခွဲးခီဖျိ မနံၣစိထၣတၢ်အၢၣလီၤအသိးႇ ကွၢ်ကဒါက့ၤတုၤလၢ လါမၢ်ရှး ၁၃ႇ ၂၀၂၀ န့ၣလီၤႋ

ခါဆူညါတၢ်ဒိးလဲ ၃ လါအဂီၢ် (ဘၣသ့ၣသ့ၣတၢ်ကဒိးလဲ)

  • တၢ်ဒိးလဲအဘူးအလဲလၢတဟ့ၣဒံးအပှ့ၤန့ၣ ကဘၣပာ်ဖျါထီၣခဲကနံၣအံၤ ဖဲလၢ တချုးဒိးလဲဆူညါအဂီၢ် တူၢ်လိာ်တၢ်အဘူးအလဲသ့ၣတဖၣဒံးဘၣအခါန့ၣလီၤႋ
  • မ့ၣအူလဲထံလဲသ့ၣတဖၣ ဘၣတၢ်မၤစၢၤ၀ဲဒၣခီဖျိ ဟီၣခိၣကစၢ်ဒ် တၢ်ဒိးလဲအဘူးအလဲအသိးသ့ၣတဖၣန့ၣ တၢ်ပာ်အီၤဒ် တၢ်ဒိးလဲအပှ့ၤလီၤႋ

ပှၤဒိးလဲတၢ်ဖိအဟံၣဃီဒ်လဲၣသ့ၣတဖၣ တၢ်တူၢ်လိာ်အီၤလၢ Zero Balance တၢ်ရဲၣတၢ်ကျဲၤအပူၤသ့လဲၣႋ

ပှၤဒိးလဲတၢ်ဖိအံၤ အိၣဒီးတၢ်လီၤဘၣယိၣလၢ ဟံၣတအိၣဃီတအိၣ မ့တမ့ၢ် တၢ်အိၣတၢ်ဆိးတဂၢၢ်တကျၢၤႋ

တၢ်စုလီၢ်ခီၣခိၣအံၤ အိၣလၢ လီၢ်ကျဲလၢလာ်သ့ၣတဖၣအကျါတခါခါအပူၤ -

  • ဒၣခိၣထၣ ခီထံၣ
  • ဟၣနံၣပ့ၣ ခီထံၣႇ ဃုာ်ဒီး မနံၣပိၣလံး
  • ရၣစ့ ခီထံၣႇ ဃုာ်ဒီး စ့ၣဖီလ်

ပှၤဒိးလဲတၢ်ဖိ အဟံၣဃီစ့ဟဲနုာ်အံၤ မ့ၢ်အိၣ မ့တမ့ၢ် စှၤန့ၢ် ၈၀% လၢ လီၢ်က၀ီၤ ပှၤပတီၢ်မုၢ်စ့ဟဲနုာ်-

  • ဟံၣဃီလၢပှၤအိၣ ၁ ဂၤ- $55,950
  • ဟံၣဃီလၢပှၤအိၣ ၂ ဂၤ- $63,950
  • ဟံၣဃီလၢပှၤအိၣ ၃ ဂၤ- $71,950
  • ဟံၣဃီလၢပှၤအိၣ ၄ ဂၤ- $79,900
  • ဟံၣဃီလၢပှၤအိၣ ၅ ဂၤ- $86,300
  • ဟံၣဃီလၢပှၤအိၣ ၆ ဂၤ- $92,700
  • ဟံၣဃီလၢပှၤအိၣ ၇ ဂၤ- $99,100
  • ဟံၣဃီလၢပှၤအိၣ ၈ ဂၤ- $105,500

အစှၤကတၢၢ် ပှၤတဂၤလၢ ပှၤဒိးလဲတၢ်ဖိအဟံၣဃီအံၤအပူၤ အပတီၢ်ထီၣဘး၀ဲ ဒၣလၢ တၢ်မၤတၢ်န့ၢ်ဘျုးသ့ၣတဖၣ မ့တမ့ၢ် တူၢ်ဘၣတ့ၢ်လံလၢ ဟံၣဃီစ့ဟဲနုာ် စှၤလီၤႇ တၢ်လၢာ်ဘူၣလၢာ်စ့ၤလီၤဆီသ့ၣတဖၣအိၣထီၣႇ မ့တမၢ် တူၢ်ဘၣတ့ၢ် ကျိၣစ့တၢ်ဃံးတၢ်စ့ၤလၢ ခိၣဘ့း-၁၉ အဃိႇ ဒ်အမ့ၢ် -

  • တၢ်မၤအနၣရံၣ မ့တမ့ၢ် စ့ဟဲနုာ် စှၤလီၤ
  • ဟးထီၣတၢ်မၤလၢ တၢ်မၤလီၢ်အံၤ အပူၤ တအိၣဒီးတၢ်ဘံၣတၢ်ဘၢအဃိႋ
  • ဟးထီၣတၢ်မၤဒ်သိး ကကွၢ်ထွဲဟံၣဃီအဂီၢ်အဃိႋ
  • တၢ်မၢဆူၣလၢ ကဟးထီၣတၢ်မၤ လၢကၠိပံးအဃိ မ့တမ့ၢ် တၢ်ကွၢ်ထွဲဖိသၣအတၢ် ဆီတလဲသ့ၣတဖၣအဃိႋ
  • တၢ်ကွၢ်ထွဲဖိသၣဘူးလဲသ့ၣတဖၣ အါထီၣအဃိႋ
  • ဖိသၣအိၣလၢဟံၣ လၢကၠိပံးအဃိႋ
  • အ့ထၢၣနဲး ဒီး ခီၣဖၠူထၢၣအပှ့ၤသ့ၣတဖၣ လိၣဘၣလၢ ကမၤတၢ်မၤအဂီၢ် မ့တမ့ၢ် ထီၣစိကၠိလၢအယံၤအဃိႋ
  • ဆူၣချ့ ဒီး တၢ်ခူၣလီၤပှၤသံအပှ့ၤသ့ၣတဖၣ လၢ ခိၣဘ့း-၁၉ အဃိႋ
  • ပှ့ၤ နီၢ်ကစၢ်တၢ်ဒီသဒၢပီးလီသ့ၣတဖၣအဃိႋ
  • ၀ံစိာ်တီဆှၢအတၢ်လၢာ်ဘူၣလၢာ်စ့ၤအဃိႋ
  • ခိၣဘ့း-၁၉ အတၢ်ဘၣကူဘၣဂာ်အဃိႋ
  • ဘၣအိၣလီၤဖျီၣလၢ တၢ်ဘၣဒွံးဘၣဒွါဒီး ခိၣဘ့း-၁၉ အဃိႋ
  • ဘၣကွၢ်ထွဲပှၤအဂၤလၢ အိၣဒီး ခိၣဘ့း-၁၉ အဃိႋ

ဟီၣခိၣကစၢ်သ့ၣတဖၣ ကဘၣကတဲာ်ကတီၤ တၢ်မနုၤသ့ၣတဖၣလၢ Zero Balance တၢ်ရဲၣတၢ်ကျဲၤအဂီၢ်လဲၣ

  • မၤပှဲၤ w9.
  • လံာ်လိၢ်တၢ်အကွဲးဒိ အလၢအပှဲၤႋ
  • ဟ့ၣတၢ်စုလီၢ်ခီၣခိၣခိသွဲအလံာ်ပာ်ဖျါလၢ အဖျါ၀ဲ တၢ်စုလီၢ်ခီၣခိၣအိၣအလီၢ်ႋ (ဒၣခိၣထၣ ခီထံၣ, ဟၣနံၣပ့ၣ ခီထံၣ, ရၣစ့ ခီထံၣ)
  • တၢ်ဒိးလဲစ့စရီလၢ အဖျါ တၢ်ဒိးလဲႇ တၢ်အဘူးအလဲသ့ၣတဖၣႇ ဒီး မ့ၣအူလဲထံလဲ လၢတဟ့ၣအပှ့ၤဒံးသ့ၣတဖၣအဂ့ၢ် (မ့ၣအူလဲထံလဲသ့ၣတဖၣလၢ အအိၣလၢ လံာ်လိၢ်အပူၤဧိၤအဂီၢ် ကဟ့ၣကဒါက့ၤတၢ်အပှ့ၤလီၤ)
  • ပှၤဒိးလဲအံၤမ့ၢ်ဟ့ၣတၢ်ဒိးလဲအဘူးအလဲခီဖျိ တၢ်မၤစၢၤကျိၣစ့ တၢ်ဟဲနုာ်တၢ်မၤစၢၤ (အဒိႇ ဟံၣဃီတၢ်ဃုထၢလံာ်ဖှီတဲာ်) န့ၣႇ တၢ် ဘိးဘၣသ့ၣညါလၢ ဟံၣဃီအပှၤဘၣမူဘၣဒါအအိၣလၢအပာ်ဖျါ ပှၤဒိးလဲတၢ်ကဘၣဟ့ၣထဲအံၤထဲနုၤလၢအဘၣတၢ်ရဲၣကျဲၤ၀ဲဒၣ လၢဟံၣဃီတၢ်ဟဲနုာ်ဆံးလီၤစှၤလီၤ၀ဲဒၣအဖီခိၣအဂ့ၢ်န့ၣလီၤႋ
  • ပှၤဒိးလဲတၢ်ဖိ အလီပရၢအမံၤႋ အအံၤမ့ၢ်၀ဲ အ၀ဲသ့ၣအတၢ်ကွဲမုာ်ဒ်သိးကမၤပှဲၤအ၀ဲသ့ၣအသနၢၣအဂီၢ်လီၤႋ

ပှၤဒိးလဲတၢ်ဖိသ့ၣတဖၣ ကဘၣကတဲာ်ကတီၤတၢ်မနုၤလၢ ကပတံ Zero Balance တၢ်ရဲၣတၢ်ကျဲၤအဂီၢ်လဲၣ

တၢ်ပာ်ဂၢၢ်ပာ်ကျၢၤ စ့ဟဲနုာ်အဂ့ၢ်ႋ

လၢတၢ်ပတံအပူၤႇ ပှၤဒိးလဲတၢ်ဖိသ့ၣတဖၣ အလီၢ်အိၣ၀ဲဒၣလၢ ကဘၣပာ်ဂၢၢ်ပာ်ကျၢၤအ၀ဲသ့ၣ အစ့ဟဲနုာ်အံၤကြၢး၀ဲဘၣ၀ဲဒၣအဂ့ၢ် (ကွၢ်ကဒါက့ၤစ့ဟဲနုာ်အကြၢးအဘၣ) န့ၣလီၤႋ

အ၀ဲသ့ၣအိၣဒီးတၢ်ဃုထၢ ၃ ခါဒ်အမ့ၢ် -

တၢ်ဃုထၢ ၁ - တီၣထီၣ အ၀ဲသ့ၣ ဟ့ၣတၢ်ခိတၢ်သွဲလၢ စ့ဟဲနုာ်အဖီခိၣ လံာ်အမဲာ်ညါကတၢၢ် ၂ ကဘျံး ကွဲးဒိႋ

တၢ်ဃုထၢ ၂ - တီၣထီၣ လံာ်လဲာ်လၢ အပာ်ဂၢၢ်ပာ်ကျၢၤအ၀ဲသ့ၣမ့ၢ် အကြၢး၀ဲ ဘၣ၀ဲဒီး တၢ်ရဲၣတၢ်ကျဲၤသ့ၣတဖၣလၢ အမၤစၢၤပှၤလၢအစ့ဟဲနုာ်စှၤသ့ၣတဖၣ အဂ့ၢ်ႋ အဒိ - SNAP, WIC, Section 8, TANF, FDPIR, SNP).

  • လံာ်လဲာ်သ့ၣတဖၣအပူၤ ကဘၣဖျါ၀ဲဒၣ ပှၤဒိးလဲတၢ်ဖိအမံၤဒီး အိၣဆိးလီၢ်ကျဲ န့ၣလီၤႋ
  • လံာ်လဲာ်သ့ၣတဖၣအပူၤ ကဘၣမ့ၢ် တၢ်ထုးထီၣ၀ဲဒၣဆူ ပှၤဒိးလဲတၢ်ဖိအအိၣ လၢ ၁/၁/၂၀၂၀ ၀ံၤအလီၢ်ခံန့ၣလီၤႋ

တၢ်ဃုထၢ ၃ (ဖဲအံၤ အိၣဒီးတၢ်ဃုထၢခံခါ)

၁ႋ  တီၣထီၣတၢ်အုၣသးလၢ စ့ဟဲနုာ်တအိၣ လံာ်တကွီၣဒိႋ လံာ်တကွီၣဒိ ကွဲးဒိအံၤမၤန့ၢ်အီၤကသ့၀ဲဒၣလၢ တၢ်ပတံအပူၤန့ၣလီၤႋ

၂ႋ ထၢနုာ်လီၤအ၀ဲသ့ၣ စ့ဟဲနုာ် ဟဲအသးဖဲလဲၣအဂ့ၢ် ဒီး မၤန့ၢ်ထဲလဲၣအဂ့ၢ်ႇ လၢ တၢ်ပတံအပူၤလိၤလိၤတက့ၢ်ႋ

ပှၤဒိးလဲတၢ်ဖိအံၤ အလီၢ်အိၣ၀ဲဒၣလၢ ကဘၣတီၣထီၣ လံာ်လဲာ်ဘၣဃး အ၀ဲသ့ၣ အစ့ဟဲနုာ်အဂ့ၢ် (အဒိ - လါလဲအလံာ်ဖှီတဲာ်) လၢတၢ်ပတံအပူၤႇ ပှၤဒိးလဲတၢ်ဖိသ့ၣတဖၣစ့ၢ်ကီး တၢ်ကမၢမၤ၀ဲ ဒ်လၢလာ်အသိး -

  • ပာ်ဂၢၢ်ပာ်ကျၢၤ တၢ်ဒိးလဲႇ တၢ်လၢာ်ဘူၣလၢာ်စ့ၤႇ ဒီး ထံလဲမ့ၣအူလဲသ့ၣတဖၣ လၢဟီၣခိၣကစၢ်တီၣထီၣ၀ဲလၢ တဟ့ၣဒံးအပှ့ၤသ့ၣတဖၣအံၤ မ့ၢ်၀ဲတီ၀ဲအဂ့ၢ် န့ၣလီၤႋ
  • ကွၢ်ဃု အ၀ဲသ့ၣ ခိၣဘ့း-၁၉ မ့တမ့ၢ် ကျိၣစ့တၢ်ဃံးတၢ်စ့ၤ (ကွၢ်ကဒါက့ၤ တၢ်ဃံးတၢ်စ့ၤအံၤ အကြၢး၀ဲဘၣ၀ဲအဂ့ၢ်).
  • ကွဲးရဲၣလီၤ အပူၤကွံာ် ခိၣဘ့း-၁၉ ဂ့ၢ်ဂီၢ်အူတၢ်ဒိးလဲတၢ်မၤစၢၤလၢ အ၀ဲသ့ၣ န့ၢ်ဘၣ၀ဲ (မ့တမ့ၢ် ဟီၣခိၣကစၢ်သ့ၣတဖၣဒိးန့ၢ်၀ဲဒၣလၢ အ၀ဲသ့ၣအခၢၣစး) အ၀ဲသ့ၣမၢ၀ဲလၢ ကထၢနုာ်လီၤကျိၣစ့အနီၣဂံၢ်နီၢ်ဒွး ထဲအံၤထဲနုၤလၢ တၢ်ပတံအပူၤႋ

တၢ်သံကွၢ်သ့ၣတဖၣလၢပှၤညီနုၢ်သံကွၢ်၀ဲ လၢအဘၣဃးဒီး Zero Balance တၢ်ရဲၣတၢ်ကျဲၤအဂ့ၢ်

လၢအပူၤကွံာ်န့ၣ ယဒိးန့ၢ်တၢ်မၤစၢၤလၢ RentHelpMN မ့တမ့ၢ် ဟၣနံၣပ့ၣခီထံၣ လါမၢ်ရှး ၂၀၂၁ တၢ်ပတံအအိၣလီၤႋ ယပတံထီၣ Zero Balance တၢ်ရဲၣတၢ်အကျဲၤအတၢ်မၤစၢၤ ဖဲလၢ ယမ့ၢ်လိၣဘၣဒံးတၢ်မၤစၢၤသ့ၣတဖၣန့ၣကသ့ဧါႋ

လၢတၢ်အိၣသးခဲလၢာ်အပူၤ နမၤန့ၢ် တၢ်ဒိးလဲအတၢ်မၤစၢၤ ၁၅ လါအဂီၢ်လၢ တၢ်ရဲၣတၢ်ကျဲၤခဲလၢာ်အအိၣႇ တယံာ်တမီၣဘၣန့ၣ တၢ်ကမၤအါထီၣတုၤလၢ ၁၈ လါလီၤႋ

နမ့ၢ်မၤန့ၢ်တၢ်မၤစၢၤလၢ RentHelpMN အအိၣ မ့တမ့ၢ် ဟၣနံၣပ့ၣခီထံၣအအိၣ ၁၅ လါ မ့တမ့ၢ် စှၤန့ၢ်အန့ၣန့ၣႇ နစးထီၣပတံဆူ Zero Balance တၢ်ရဲၣတၢ်ကျဲၤအအိၣဒ်သိးကမၤန့ၢ် တၢ်မၤစၢၤလၢနလိၣဘၣအဂီၢ်သ့ ၀ဲဒၣလီၤႋ အလီၢ်အိၣ၀ဲဒၣလၢ နကစးထီၣ တၢ်ပတံအသီ မ့ၢ်လၢ နတၢ်ပတံအံၤဆှၢခီလိာ်သး တၢ်ရဲၣတၢ်ကျဲၤတခါဒီးတခါအဘၢၣစၢၤတသ့ဘၣအဃိလီၤႋ 

ယတစးထီၣတၢ်ပတံဒံးဘၣႋ တၢ်ရဲၣတၢ်ကျဲၤ ဖဲလဲၣတခါလၢ အဂ့ၤကတၢၢ်လၢယဂီၢ်လဲၣႇ RentHelpMN မ့တမ့ၢ် Zero Balance တၢ်ရဲၣတၢ်ကျဲၤဧါႋ

ပှၤလၢအကွၢ်ဃု တၢ်ဒိးလဲတၢ်မၤစၢၤလၢ ဒၣခိၣထၣႇ ဟၣနံၣပ့ၣ ဒီး ရၣစ့ ခီထံၣ သ့ၣတဖၣအပူၤ လၢအမ့ၢ်ပှၤလၢတပတံထီၣ တၢ်ဒိးလဲတၢ်မၤစၢၤဒံးဘၣလၢ RentHelpMN မ့တမ့ၢ် တၢ်ရဲၣတၢ်ကျဲၤထီရီၤတခါလၢ နပတံသ့တခါခါအအိၣလီၤႋ

ပှၤဒိးလဲတၢ်ဖိတဖၣဒီး တၢ်စုလီၢ်ခီၣခိၣ မူဒါခိၣတဖၣ/အကစၢ်သ့ၣတဖၣ ပှၤလၢ အအဲၣဒိး ပှၤဒိးလဲတၢ်ဖိ တီခိၣရိၣမဲ တၢ်ပတံအတၢ်ရဲၣတၢ်ကျဲၤန့ၣႇ RentHelpMN အံၤမ့ၢ်၀ဲ တၢ်ဃုထၢအဂ့ၤကတၢၢ်တခါလီၤႋ

လၢပှၤဒိးလဲတၢ်ဖိ ဒီး တၢ်စုလီၢ်ခီၣခိၣ မူဒါခိၣတဖၣ/အကစၢ်တဖၣ လၣအအဲၣဒိး တၢ်စုလီၢ်ခီၣခိၣ/အကစၢ်သ့ၣတဖၣ တီခိၣရိၣမဲ တၢ်ပတံအတၢ်ရဲၣတၢ်ကျဲၤန့ၣႇ Zero Balance တၢ်ရဲၣတၢ်ကျဲၤအံၤ တၢ်ဃုထၢအဂ့ၤကတၢၢ်တခါ န့ၣလီၤႋ

ယူၣနံးတခါဘၣတခါအဂီၢ် ယပတံထီၣအအါကတၢၢ်ကန့ၢ်ထဲလဲၣႋ

တၢ်ပာ်ပနီၣတအိၣဘၣႋ

ယကဘၣပတံထီၣ ဆူညါခီ (ခါဆူညါ) အတၢ်ဒိးလဲ လၢ ၃ လါအဂီၢ်ဒ်လဲၣႋ

ပှၤဒိးလဲတၢ်မၤ ပတံထီၣဒၣအတၢ်လီၤႋ လၢပှၤဒိးလဲတၢ်ဖိအသနၢၣလၢ တၢ်ပတံအပူၤ အိၣ၀ဲဒၣဒီး တၢ်တိၤနီၣအလီၢ်ဖိတခါလၢ အ၀ဲသ့ၣပတံထီၣလၢ ဆူညါခီ (ခါဆူညါ) တၢ်ဒိးလဲ အဂီၢ် ဖဲလၢအ၀ဲသ့ၣ သ့ၣညါ၀ဲဒၣလၢ လါလၢကဟဲဆူညါသ့ၣတဖၣအပူၤ အ၀ဲသ့ၣ ဟ့ၣအပှ့ၤတန့ၢ်ဒံးဘၣအခါန့ၣလီၤႋ

ယပှၤဒိးလဲတၢ်ဖိသ့ၣတဖၣ ဘၣယိၣဘၣဘီ၀ဲဒၣလၢ တၢ်ဒိဘၣမၤဟူးကအိၣထီၣ၀ဲလၢ တၢ်မၤစၢၤ/တၢ်န့ၢ်ဘျုးလၢ အ၀ဲသ့ၣဒိးန့ၢ်ပာ်စၢၤ၀ဲသ့ၣတဖၣအဖီခိၣလီၤႋ တၢ်ဒိဘၣမၤဟူးကအိၣဧါႋ

တအိၣဘၣႋ တၢ်အံၤတဘၣတၢ်ဂံၢ်ဒွးအီၤဒ်စ့ဟဲနုာ်အသိးဘၣႋ တၢ်အဘူးအလဲသ့ၣတဖၣ လဲၤအသးလိၤလိၤဆူ ဟီၣခိၣကစၢ်အအိၣလီၤႋ

ယပှၤဒိးလဲတၢ်ဖိသ့ၣတဖၣ တအိၣဒီးလံာ်လဲာ်ဖိးသဲစးဘၣဒီး ဘၣယိၣ၀ဲဒၣလၢ ပှၤကဆှၢထီၣအ၀ဲသ့ၣအတၢ်ဂ့ၢ်တၢ်ကျိၤန့ၣလီၤႋ ယကဘၣတဲ အ၀ဲသ့ၣဒ်လဲၣႋ

ဟံၣဃီအမံၤသ့ၣတဖၣ ပတပာ်ဖျါထီၣဆူ ICE အအိၣဘၣႋ ဒၣခိၣထၣႇ ဟၣနံၣပ့ၣႇ ဒီး ရၣစ့ ခီထံၣ ကွၢ်၀ဲတၢ်ဂ့ၢ်တၢ်ကျိၤသ့ၣတဖၣသ့ႇ ဃုာ်ဒီး ၀့ၢ်မနံၣပိၣလံး ဒီး စ့ၣဖီလ် န့ၣလီၤႋ

ယပှၤဒိးလဲတၢ်ဖိသ့ၣတဖၣ တမၤပှဲၤ၀ဲအ၀ဲသ့ၣအသနၢၣလၢ တၢ်ပတံအပူၤဘၣႋ မ့ၢ်ယပတံထီၣကသ့ဒံးဧါႋ

တသ့ဘၣႋ ပှၤဒိးလဲတၢ်ဖိသ့ၣတဖၣ ကဘၣမၤပှဲၤအ၀ဲသ့ၣအသနၢၣလၢ တၢ်ပတံအပူၤလီၤႋ

ယတၢ်ပတံအံၤ မ့ၢ်ဘၣတၢ်တူၢ်လိာ်အီၤန့ၣႇ ယကမၤန့ၢ်တၢ်အဘူးအလဲ အခါဖဲလဲၣႋ

တၢ်ကဆှၢန့ၢ် ခၠဲးတဘ့ၣ ဆူနအိၣ ဒ်အိၣဆိးလီၢ်ကျဲလၢနပာ်ဖျါတ့ၢ်၀ဲအအိၣ ခီဖျိလၢ ဟီၣခိၣကစၢ် လၢတၢ်တူၢ်လိာ်၀ံၤ ၁၄ သီအတီၢ်ပူၤန့ၣလီၤႋ

တၢ်ပတံသ့ၣတဖၣ တၢ်ဆီလီၤပာ်လီၤလၢ တၢ်အရ့ဒိၣအသိးတခါဘၣတခါဒ်လဲၣႋ

တၢ်ပတံသ့ၣတဖၣ ဘၣတၢ်ကွၢ်ကဒါက့ၤဒီး ဟ့ၣအပှ့ၤဒ် ပှၤဟဲဆိႇ ဟ့ၣဆိ အသိး တုၤလၢ လါယူၤ ၂၀ သီႇ ပူၤကွံာ်တၢ်အိၣသးလၢလာ်န့ၣလီၤ-

  • တၢ်ပတံသ့ၣတဖၣလၢ တဟ့ၣဒံးတၢ်ဒိးလဲအပှ့ၤသ့ၣတဖၣ ဘၣတၢ်ကျဲၤဆိန့ၢ် တၢ်ပတံအဂုၤအဂၤသ့ၣတဖၣ လၢအအိၣထဲ တၢ်ဒိးလဲခါဆူညါအဂီၢ်ဧိၤႇ ဒီး
  • တၢ်ပတံသ့ၣတဖၣလၢ ပှၤဒိးလဲတၢ်ဖိဟံၣဃီစ့ဟဲနုာ်အံၤအိၣ၀ဲဒၣ ဖဲလီၢ်က၀ီၤဖိပှၤပတီၢ်မုၢ်အစ့ဟဲနုာ်ပတီၢ် ၅၀ % မ့တမ့ၢ် စှၤန့ၢ်အန့ၣ မ့တမ့ၢ် ဟံၣဖိဃီဖိ တဂၤ မ့တမ့ၢ် အါန့ၢ်အန့ၣ အတၢ်မၤတအိၣ၀ဲ ၉၀ သီ မ့တမ့ၢ် အါန့ၢ် အန့ၣသ့ၣတဖၣအဂီၢ် ဘၣတၢ်ကျဲၤဆိန့ၢ်ဒံး တၢ်ပတံအဂုၤအဂၤသ့ၣတဖၣန့ၢ်ဒံး န့ၣလီၤႋ

ယဆှၢတ့ၢ်ယတၢ်ပတံ၀ံၤလံႇ ဘၣဆၣ ယသးအိၣကတိၤတၢ်ဂ့ၢ်အံၤဒီးပှၤတဂၤဂၤလီၤႋ ယကဘၣဆဲးကျိးမတၤတဂၤလဲၣႋ

ဆှၢလီပရၢဆူ ZeroBalanceProject@FHFund.orgအအိၣ မ့တမ့ၢ် ဆဲးကျိးအ၀ဲသ့ၣဖဲ 612-895-7880 န့ၣတက့ၢ်ႋ

ယပှၤဒိးလဲတၢ်ဖိသ့ၣတဖၣ လိၣဘၣတၢ်မၤစၢၤလၢ ကမၤပှဲၤအ၀ဲသ့ၣအသနၢၣ လၢတၢ်ပတံပူၤအဂီၢ်လီၤႋ အ၀ဲသ့ၣကဘၣဆဲးကျိးမတၤတဂၤလဲၣႋ

ဆှၢလီပရၢဆူ ZeroBalanceProject@FHFund.org အအိၣ မ့တမ့ၢ် ဆဲးကျိးအ၀ဲသ့ၣဖဲ 612-895-7880 န့ၣတက့ၢ်ႋ

ယကသမံသမိးလၢ ယတၢ်ပတံအံၤတုၤအပတီၢ်ထဲလဲၣအဂ့ၢ် လၢအလီၢ်ဖဲလဲၣႋ ဖဲလၢ တၢ်ပတံအံၤဘၣတၢ်တူၢ်လိာ်၀ဲဒၣလံန့ၣႇ တၢ်ကဒုးသ့ၣညါယၤဒ်လဲၣႋ

နုာ်လီၤဆူန Neighborly account အပူၤ ဒ်သိးကသမံသမိး နတၢ်ပတံအပတီၢ်တုၤဖဲလဲၣအဂ့ၢ်တက့ၢ်ႋ နမ့ၢ်အိၣဒီးတၢ်သံကွၢ်သံဒိးတမံၤမံၤန့ၣႇ ဆှၢလီပရၢဆူ ZeroBalanceProject@FHFund.org အအိၣ ဃုာ်ဒီးနတၢ်ပတံအနီၣဂံၢ် ဒီး နတၢ်သံကွၢ်န့ၣတက့ၢ်ႋ နကမၤန့ၢ် လီပရၢတဘ့ၣ ဖဲလၢနတၢ်ပတံအံၤ တၢ်ကွၢ်ကဒါက့ၤ၀ံၤအလီၢ်ခံန့ၣလီၤႋ

ယကဘၣသကွံာ်ကညးလၢ တၢ်ပတံလၢအဘၣတၢ်သမၢအဂီၢ်ဒ်လဲၣႋ

နကမၤန့ၢ် တၢ်ဆၢကတီၢ် ၁၀ သီ လၢဆှၢထီၣတၢ်သကွံာ်ကညးအဂီၢ်ႇ ဖဲလၢနမၤန့ၢ်တၢ်သမၢအဂ့ၢ်လီပရၢ၀ံၤအလီၢ်ခံန့ၣလီၤႋ ဆှၢလီပရၢဆူ Appeals@FHFund.org အအိၣ ဃုာ်ဒီးနတၢ်ဆဲးကျိးအဂ့ၢ် အကျိၤဒီး တၢ်ပတံအနီၣဂံၢ်ႇ တၢ်ဂ့ၢ် (သ့ၣတဖၣ) လၢနတၢ်ပတံအံၤဘၣတၢ်သမၢ ၀ဲဒၣအဂ့ၢ်ႇ ဒီး ဘၣမနုၤအဃိ နနာ်လၢ အတၢ်သမၢအံၤ ဆၢတဲာ်ကမၣ၀ဲဒၣအဂ့ၢ် န့ၣတက့ၢ်ႋ

ပတံထီၣဖဲအံၤ